Derbyn

Croeso i’r Dosbarth Derbyn

Rydyn ni yn ddosbarth bywiog, caredig ac yn llawn brwdfrydedd! Rydyn ni'n blant hapus a phrysur sy'n dwlu dysgu trwy ganu a dawnsio bob dydd. Rydyn ni'n mwynhau arbrofi, darganfod pethau newydd, a chwarae'n greadigol yn ein ardaloedd dysgu amrywiol. Ein thema y tymor hwn yw ‘Cynefin – Fy myd bach i’, ac rydyn ni’n dysgu am y bobl, y llefydd a’r pethau sy’n gwneud ein byd yn arbennig. Mae pethau cyffrous yn digwydd bob dydd,ac rydyn ni wrth ein boddau yn dysgu trwy chwarae!

Gyda'n gilydd rydym wedi dewis 3 anghenion ar gyfer ein dosbarth eleni sef:

Caredigrwydd - bod yn gyfeillgar, yn gymwynasgar, ac yn ystyriol o eraill a'n hamgylchedd

Cyfeillgarwch - meithrin perthnasoedd cryf a chariadus â'n gilydd

Parch- Gofalu am ein gilydd ac edrych ar ôl eiddo y dosbarth.

Bydd ein sesiynau Addysg Gorfforol ar ddydd Llun - gofynnwn a all y plant ddod wedi'u gwisgo mewn dillad addas a chyfforddus (dim gemwaith). Rydym yn darparu byrbryd iach bob dydd ac yn cynnig llaeth neu ddŵr. Gellir talu arian byrbryd bob tymor ar Parentpay.

Edrychwn ymlaen at weithio ochr yn ochr â chi yn ystod y flwyddyn.

Diolch am ddarllen.

Mrs Ellis a Mrs Earles

Prospectws y dosbarth Derbyn